Цитируется по изданию MGH, серия «SCRIPTORES RERUM GERMANICARUM IN USUM SCHOLARUM EX MONUMENTIS GERMANIAE HISTORICIS RECUSI», «ANNALES BERTINIANI», HANNOVERAE, IMPENSIS BIBLIOPOLH HAHNIANI, 1883; страницы 19-20 (год 839). Комментарии к тексту расположены в конце каждой страницы и выделены курсивом.

цитата

[Страница 19]

...

Venerunt etiam legati Grecorum a Theophilo imperatore directi, Theodosius ¹ videlicet Calcedonensis metropolitanus episcopus et Theophanius spatarius, ferentes cum donis imperatori dignis epistola ^d; quos imperator quinto decimo Kalendas Iunii in Ingulenheim honorifice suscepit Quorum legatio super confirmatione pacti et pacis atque perpetuae inter utrumque imperatorem eique ^f subditos amicitiae et caritatis agebat, necnon de victoriis, quas adversus exteras bellando gentes caelitus fuerat assecutus, gratificatio et in Domino exultatio ferebatur; in quibus imperatorem sibique subiectos amicabiliter Datori victoriarum omnium gratias referre poposcit. Misit etiam cum eis quosdam, qui se, id est ^g gentem suam, Rhos ² vocari dicebant, quos rex illorum
-------------------
d) ita 1.
f) eisque 1.
g) idem 1.

1) Theodosius patricius erat, non episcopus, ut testatur chronographia iussu Constantini Porphyrogeniti scripta lib. III, num. 37; quod docent etiam Curopalata et Cedrenus. BOUQ.
2) i. e. Russi.

[Страница 20]

chacanus ¹ vocabulo ad se amicitiae, sicut asserebant, causa direxerat, petens per memoratam epistolam, quatenus benignitate imperatoris redeundi facultatem atque auxilium per imperium suum toto ^a habere possent, quoniam itinera, per quae ad illum Constantinopolim venerant, inter barbaras et nimiae feritatis gentes inmanissimas habuerant, quibus eos, ne forte periculum inciderent, redire noluit. Quorum adventus causam imperator diligentius investigans, comperit, eos gentis esse Sueonum. Exploratores potius regni illius nostrique quam amicitiae petitores ratus, penes se eo usque retinendos ^b iudicavit, quoad veraciter inveniri posset, utrum fideliter eo necne pervenerint; idque Theophilo per memoratos legatos suos atque epistolam intimare non distulit, et quod eos illius amore libenter susceperit, ac, si fideles invenirentur, et facultas absque illorum periculo in patriam remeandi daretur, cum auxilio remittendos; sin alias, una cum missis nostris ad eius praesentiam dirigendos, ut, quid de talibus fieri deberet, ipse decernendo efficeret.
-------------------
a) totum edd.; fortasse tuto.
b) retinendo 1.

1) Non nomen proprium, sed titulus populis Asiae septentrionalis usitatus, hic perperam ad Sueones translatus esse videtur.

Форум » Форум по истории (архив) » Rhos в Бертинских анналах
	перенос