Отправлено: 12.01.05 07:13. Заголовок: Появление Довмонта во Пскове--вопрос

-------------------------------------------------- ------------------------------


«В лЂто 6773 [1265]. Посадиша в НовЂгородЂ на столЂ князя Ярослава Ярослалица мЂсяца генваря въ 27, на святого Иоанна А Златоустаго пренесение честных мощии его. Того же лЂта бысть мятежь велии на Литовьскои землЂ божиимъ попущениемъ: не тръпяше бо господь богъ нашь зрЂти на нечестивыя и поганыя, видя ихъ проливающи кровь крестианьскую акы воду, иныи расточены от них по чюжимъ землямъ; тогда господь въздасть имъ по дЂлом ихъ. Бяше у Миндовга, у литовьскаго князя , сынъ, имя ему Въишелгъ ; того же избра господь поборника по правои вЂрЂ: шедши в гору Синаискую от отца своего и от рода своего и от поганыя вЂры своея, позна истинную вЂру крестияньскую , и крестися въ имя Отца и Сына и святого Духа, и научися святымъ книгамъ, и пострижеся въ мнишьскыи чинъ въ Святои горЂ; и пребывъ тамо 3 лЂта, поиде в землю свою и прииде ко отцю своему. Отець же его поганъ , ласкаше его остатися
от вЂры крестияньскыя и черничества и прияти царство свое; он же въоруженъ силою крестъною , не хотЂ слышати ласкы отца своего, ни прещениа его не убояся, нь изъшед от отца, съгради собЂ монастырь въ крестианех , и ту пребываше , славя святую Троицу , Отца и Сына и святого Духа . По убиении отца своего, не хотящу ему сего створити , нь богу попущьшю на них, на поганую Литву, за крестияньскую кровъ , вложи сему въ сердде, соимя ризу съ собе , обЂщася богу на 3 лЂта , како прияти риза своя , а устава мнишкаго не остася; скопи около себе вои отца своего прйятели , помоляся кресту честному, шедши на поганую Литву, и побЂди их , и стоя на земли их все лЂто. Тогда оканнымъ възда господь по дЂлом их: всю бо землю их оружиемь плЂни , а по крестияньскои земли веселье бысть всюда . Тогда же въбЂгоша Литвы въ Плесковъ съ 300 и с женами и с дЂтми, и крести их князь Святославъ с попы плесковьскыми и со плесковици ; а новгородци хотЂша их изьсЂщи , нь не выда ихъ князь Ярославъ, и не избиени быша.

В лЂто 6774 [1266]. Посадиша плесковици у себе князя Довмонта литовьскаго . Того же лЂта вложи богъ въ сердце Домонту благодать свою поборнику быти по святои СофЂи и святЂи ТроицЂ, отмьстити кровъ крестияньскую , и поиде съ плесковици на братью свою поганую Литву, и много ловоеваша , и княгиню Герденеву възя , и два княжичица плениша . Князь же Гердень, скопивъ около себе силу литовьскую , погонися по них. И яко увЂдаша плесковици погоню, отослаша полонъ, а сами сташа крЂпко противу им о сию страну Двины.»

Хотел бы узнать-можно ли определённо числить Довмонта среди той » Литвы въ Плесковъ съ 300 и с женами и с дЂтми» ?

С уважением Фарнабаз